Category Archives: Uncategorized

Í síðustu viku barst tilkynning frá byggingafulltrúa um að vilyrðisúthlutun 3 lóða á Reyðarfirði hefði verið samþykkt.

Sunnugerði 12, 150 fermetrar 4 svefnherb.
Sunnugerði 20, allt að 200 fermetrar, 4-5 svefnherbergi
Brekkugerði 5, allt að 190 fermetrar, 4-5 svefnherbergi

Fyrir er svo til sökkull að Stekkjarholti 6, þar verða 4 svefnherbergi samkv núgildandi teikningu.

teikninguna má með því að klikka á linkinn hér fyrir neðan.

SELT …

Stekkjarholt 6 

Ath, þessari teikningu er hægt að breyta á mjög marga vegu án aukakostnaðar, eftir höfði hvers og eins þar sem gólfplatan er ósteypt.

Verið er að vinna teikningar fyrir nýju lóðirnar 3, skilalýsingar og annað sem þessu fylgir.
Hugmynd að teikningu er komin á Sunnugerði 12, hana má með því að klikka á linkinn hér fyrir neðan.

Sunnugerði 12

( Skilalýsing og verð ekki komin þar sem teikning er ekki ákveðin ).

Hér verða svo birt myndir, vídeo og annað sem sýna lóðirnar, útsýni og annað sem skipt gæti máli.

Fyrir frekari upplýsingar sendið póst á:  ogsynir@ogsynir.is 

Í dag fáum við afhentan glæsilegan nýjan lyftara frá Kraftvélum,  góð viðbót við okkar flóru af tækjum..

Skiltaval á Reyðarfirði merkti tækið fyrir okkur.

Nú er aðeins búið að laga til heimasíðuna og von á nýjum spennandi hlutum hér inn á næstu dögum..

Allt á réttri leið í áhaldahúsinu á Seyðisfirði, milliveggir á efri hæðinni eru að verða klárir, málningarvinna er þegar komin af stað. Unnið er við klæðningu bita í vinnurýminu og byrjað að grinda klæða útveggina.
Búið að flota gólfin á báðum hæðum.

Þá er starfsstöðin á Seyðisfirði komin með heimilisfang.
Strandgata 29-33, eigandi húsnæðisins er Erting eignarhaldsfélag ..

Verið er að vinna á nokkrum stöðum eins og er, 2 menn eru á Breiðdalsvík og verið að vinna efni handa þeim í Blikklandi á Seyðisfirði.

Áhaldahús og Slökkvistöð á Seyðisfirði eru í fullum gangi, smíðavinnu er að mestu lokið, verið að leggja lokahönd á Epoxy gólf í slökkvistöðinni, raflagnir og pípulagnir eru komnar af stað.

Í Áhaldahúshlutanum er búið að klæða útveggi í skrifstofu/aðstöðuhluta og unnið við að klæða bita í loftum vegna brunavarna og svo á að klæða útveggina sjálfa. Í vikunni verður byrjað að koma upp milliveggjum í skrifstofuhlutanum og stúka það niður í rétt hólf.

Búið er að flota gólf í skrifstofu / aðstöðuhluta á báðum hæðum og kom flotdælan sér vel þar, hún er að afkasta um 2 tonnum á klukkutímann, sem er 10 tíma verk á þann hátt sem venjulegt er að nota..

Skotbómulyftarinn sem keyptur var á í lok árs er svo væntanlegur um mánaðarmótin hingað á Reyðarfjörð, en Kraftvélar lánuðu okkur annan lyftara fram að afhendingu..

Nokkrar myndir…

Gleðileg jól.

Árið 2017 var gott ár fyrir reksturinn, skuldastaða félagsins er góð, fjárfestingar í bílum og tækjum voru í samræmi við það og fyrir komandi verkefni er nú þegar er búið að kaupa 32 mtr byggingarkrana, skotbómulyftara og verið er að skoða kaup á spjótlyftu.

Verkefnastaðan á árinu var mjög góð og hefur gengið vel á flestum vígstöðvum,
verkefni á Seyðisfirði voru mjög stór hluti af starfsseminni þetta árið sem og síðasta ár.

Lokið var við klæðningu á frystihúsi SVN á Seyðisfirði, uppsteypu stoðveggja og árekstrarvarna.
Klæðningaverkefni á Breiðdalsvík liggja í vetrardvala eins og er en fara í gang aftur á nýju ári, samhliða vinnu í nýju áhaldahúsi á Seyðisfirði og lokafrágangi slökkvistöðvar og nokkura minni verkefna við frystihús SVN á Seyðisfirði.
Mygluskoðanir á árinu voru margar og fjölbreyttar á árinu og skoðað var um allt austurland, ásamt skoðunum á Akureyri og Siglufirði. Loftsýnatökur voru mjög stór hluti af þeim skoðunum, sem og ráðgjöf til húseiganda um aðgerðir þar sem skemmdir voru til staðar. Þó nokkuð var um skoðanir húsa sem voru að fara í sölu eða fyrir þá sem voru að kaupa og vildu nýta sér þjónustu okkar, það skilaði því að viðskiptavinir okkar sluppu við að kaupa köttinn í sekknum í 2 tilfellum, sem er mjög gott, sparar málaferli og almenn leiðindi, auk alls kostnaðar sem hlýst af svoleiðis málum.
Byggingastjórn og eftirlit með framkvæmdum fyrir ýmsa aðila var 1 stöðugildi á árinu og fleiri verkefni eru í undirbúningi.
Starfsmannafjöldi var að jafnaði 8 starfsmenn og 2-4 einyrkjar / undirverktakar.

Verkefni við húsbyggingar á Fáskrúðsfirði sem áttu að hefjast á haustmánuðum eru ennþá í bið vegna biðar eftir teikningum og efni frá eiganda húsanna, þar verður vonandi hægt að hefjast handa fljótlega á nýju ári.

Verkefni næstu vikna verður á Fáskrúðsfirði, staðfest.

Uppbygging á Fáskrúðsfirði er næst á dagskrá og þar er stefnt á að ljúka steypu á gólfplötum 8 íbúða, á þessu ári og hefja vinnu við utanhússklæðningar á neðri hæðum húsanna og einingasmíði fyrir 2 hæð.

Unnið er að aðföngum og aðstöðusköpun núna á næstunni, uppsetningu vinnubúða og efnislagers.

Þetta er mikið ánægjuefni að geta sett þetta af stað og lokið þessari framkvæmd sem er búin að standa yfirgefin síðan fyrir hrun.

Að lokum má bæta við að það er alltaf pláss fyrir góða menn í vinnu og verkefni á Breiðdalsvík og Seyðisfirði eru enn í gangi og það mun að öllum líkindum bætast við þau verkefni líka.

Steypa á Seyðisfirði í dag og þakvinna á Breiðdalsvík..

Veðrið leikur við okkur þessa dagana sem hefur ekki verið of mikið af í sumar …

DCIM100MEDIADJI_0039.JPG

DCIM100MEDIADJI_0041.JPG

DCIM100MEDIADJI_0045.JPG

Þetta þak á svo að endurnýjast

Og þetta 🙂

Þá er klæðningar verkefnið okkar við fiskvinnsluna að fjara út og við taka viðbótar verkefnin sem og ný verkefni í bænum.
Hér verða eftir 3-4 starfsmenn sem munu mynda starfsstöðina okkar og halda áfram að sinna þeim verkefnum sem eru í gangi.
Aðrir starfsmenn fyrirtækisins munu hverfa til verkefna á Breiðdalsvík á næstu dögum.

Fram undan er mikið af spennandi verkefnum, bygging á aðstöðuhúsi og sumarbústað sem fer í ferðaþjónustuna,
utanhússklæðningar, gluggaskipti og endurnýjun þaks á amk 4 húsum, ásamt fleiri minni verkefnum .

Já, okkur vantar smiði, ef þú varst að pæla í því 🙂

Vegna mikilla verkefna framundan viljum við ráða til okkar starfsmenn.

Starfsmaður á lager, sér um viðhald lagers, sjá um aðföng fyrir vinnustaðina o.fl
Hæfniskröfur :  Bílpróf, vinnuvélaréttindi og þarf að geta unnið sjálfstætt.

Trésmiðir Hæfniskröfur: Sveinspróf í húsasmíði, bílpróf og sjálfstæð vinnubrögð

Verkamenn

Almenn verkamannstörf á byggingarsvæðum.

Verkefni og Vinnustaðir eru breytilegir, en starfsstöðvar verða á Reyðarfirði, Seyðisfirði og Breiðdalsvík og Fáskrúðsfirði.

Nánari uppl. í síma 821-9747 milli kl 10 og 12 á virkum dögum
eða á  tölvupósti                                                                                                       ogsynir@ogsynir.is 

Næstkomandi föstudag 03.03 ´17 munum við halda dag þaktúðunnar heilagan og gera okkur glaðan dag á Skaftfelli,
þar sem veitingar verða reiddar fram af stakri snilld að venju þegar Skaftfell er annars vegar.

Eftir matinn verður enginn annar en Andri Bergmann mættur með kassagítarinn og mun gleðja okkur og aðra gesti með spili og söng.

Hvetjum alla til að mæta og halda uppá þetta merkilega fyrirbæri með okkur..